Bani horja ai, taridah bahat naboru Simalungun roh mamaheh bulang beragam model na bahanni haganupan Hiou Simalungun. Ipataridahdo huma ragamni Hiou Simalungun na itonun.
Natang jagiahni, Niar Damanik pakon hasoman-hasomanni huma pataridahkon proses cara manonun hiou bani horja ai. Naidah, oppung Hotmalina Simarmata marumur 82 Tahun, jenges tumang mampraktekhon pakon patoranghon sonaha carani mambaen hiou Simalungun.
Bahatdo roh huma partonun Hiou Simalungun bani horja ai. Janah,songon parjupahan sombuh siholni partonun hiou ma use horja ai, halani sidea marmalasni uhur marbualbuali, sonai huma manortor riap mangihutkon ondokni inggou naidodinghon Sapna Aria Sitopu.
Acara demi acara mardalando ibagas natorsa, sitatangatur horja Sopeni Girsang naidah sumangatdo bani manranggi tipakni horja irik huma sahalo sahali mandoding mambaen roh malas uhurni hasoman-hasoman naroh, sambil irik mangidah karya-karya kerajinan tangan nabahanni haganupan humbani Hiou Simalungun.
Orangtua pakon namaposo pe, lambin kompakni do huma tikki riap manortor pakon pegiat-pegiat Seni Budaya Simalungun, khususni hasoman-hasoman partonun Hiou Simalungun.
Taridah roh bani horja ai, dr Sarmedi Purba, Oppung Raminah Garingging, pegiat seni Simalungun Sultan Saragih, Sonny Bonata Purba, Jesebel Girsang, sonai huma namaposo Simalungun han DPC HIMAPSI Kota Siattar, pegiat-pegiat sanggar pakon organisasi simalungun. (*)
Komentar
Posting Komentar