Garama parhuta Silou Kahean nanuan tading I Kota Medan on, patoranghon lagu Jambarni Anak Sikahanan, aima iciptahon Maman Saragih. Selain lagu Jambar Anak Sikahanan, adongpe siah nari lagu simalungun namanlengkapi ranggini almbum, janah iboanhon hasoman pandoding nadomma itandai pencinta lagu-lagu simalungun aima Riandy Saragih pakon Ernita br Purba.
Onma 10 lagu nalaho ipataridahkon bani album ai, 1.Jambarni Anak Sikahanan pencipta Maman Saragih, idodinghon Jhon Irwanto Sipayung. 2. Jakarta-California ciptaanni Riandy Saragih, idodinghon Jhon Irwanto Sipayung. 3. Gantengni Marga Purba ciptaan Janampe Purba SS, idodinghon Ernita br Purba. 4. Lang Setuju Calon Tulang ciptaan pakon idodinghon Riandy Saragih. 5. Holongni Inang ciptaanni Janampe Purba SS, idodinghon Jhon Irwanto Sipayung, 6. Arni ciptaan pakon idodinghon Riandy Saragih. 7. Batangni Sagu ciptaani Idris Saragih, idodinghon Jhon Irwanto Sipayung. 8. Aima Tongon ciptaanni Janampe Purba SS, idodinghon Ernita br Purba. 9. Anju Ham Au ciptaanni Maman Saragih, idodinghon Jhon Irwanto Sipayung. 10. Lang Pitah Ham ciptaanni Seftian Girsang/ Riandy Saragih, idodinghon Riandy Saragih.
Iatahon Jhon Irwanto nasekaligus najadi produser album on, bani namarandu haganupan horja mamparsiaphon album on, sapanriah janah mariurupando ia pakon Riandy Saragih selaku co,produser, janah arasamen musikpe irandudo huma pakon sorani sulim gondrang najegestumang iboanhon G Billy Simarmata, Gitat iboanhon Vido S/ Wibawa.
Harap uhurni Jhon Irwanto, masyarakat pakon pecinta Lagu Simalungun boi manjalo peredaranni album Pop Simalungun on, ase lambin tarsar janah tarbaratia lagu-lagu Simalungun ijape marianan.
“On nuan lagi finishingma, Bang. Mudah-mudahan, bani panorang nadohor maredarma album on. Riap martonggo hita, ase boi mardalan bani natorsa,” nini Jhon Irwanto Sipayung, mangujungi parbualan pakon simalungunmada.com. (*)
Komentar
Posting Komentar